سنڌ کي سمورن سماجي مسئلن تي قانون سازي ڪرڻ جو اعزاز حاصل آهي: مراد علي شاهه

وڏي وزير سيد مراد علي شاهه چيو آهي ته سنڌ ۾ چائلڊ ميرج ري اسٽرينٽ ايڪٽ 2013ع ۾ پاس ڪري ٻارن جي شادي يا زبردستي شادي تي پابندي مڙهي وئي، پري وينشن اينڊ پروٽيڪشن ايڪٽ تحت عورتن، ٻارن ۽ ڪمزورن تي تشدد کي ڏوهه قرار ڏنو ويو. وڏي وزير سيد مراد علي شاهه پنجاب جي پارليامينٽ ميمبرن ايم پي ايَ علي گيلاني، احمد ڀٽي، رانا ارشد، ذوالفقار علي شاهه، محمد اويس دريشڪ، شهباز احمد، عطا الله اويس، آصفه، سلطان، دائود ۽ ٻين ملاقات ڪئي. پنجاب جي پارليامينٽرينز جو دورو يو اين ايف پي ايَ جي پاڪستان ۾ نٽري ري پريزينٽيٽو آرگنائيز ڪيو، جنهن جو مقصد ٻارن جي تحفظ، چائلڊ ميرج، گهريلو تشدد ۽ سنڌو ميرج ايڪٽ تي ڳالهه ٻولهه ڪرڻ هو. وڏي وزير پنجاب جي پارليامينٽ ميمبرن، يو اين ايف پي ايَ ۽ پي ڊي يو جي ميمبرن جي آجيان ڪئي. ان موقعي تي ڳالهائيندي سيد مراد علي شاهه چيو ته سنڌ کي سمورن سماجي مسئلن تي قانون سازي ڪرڻ جو اعزاز حاصل آهي، 2011ع ۾ سنڌ چائلڊ پروٽيڪشن اٿارٽي ايڪٽ ٺاهيو ويو، اٿارٽيءَ تحت ٻارن کي خاص تحفظ ڏنو ويو. هن چيو ته سنڌ چائلڊ مريج ري اسٽرينٽ ايڪٽ پاس ڪري ٻارن جي شادي ۽ زبردستي شادي تي پابندي مڙهي وئي، گهريلو تشدد کي روڪڻ لاءِ 2013ع ۾ قانون ٺاهيو ويو ۽ ٻارن، عورتن ۽ ڪمزورن تي تشدد کي ڏوهه قرار ڏن وويو. وڏي وزير چيو ته سنڌ حڪومت سنڌ ڪميشن آن دي اسٽيٽس آف دي وومين ايڪٽ 2015ع ۾ پاس ڪيو، صوبائي ڪميشن عورتن جي سماجي، معاشي، سياسي ۽ قانوني حقن جو تحفظ ڪندي آهي. سيد مراد علي شاهه چيو ته هاري کي پورهيت قرار ڏيڻ ۽ سندس پورهيو ۽ سماجي تحفظ يقيني بڻايو ويو، سنڌ حڪومت هندو ميريج ايڪٽ 2015ع پاس ڪيو، جنهن سان هندن جي شادي جي رجسٽريشن يقيني بڻايو ويو آهي……