سنڌ ۾ سيڙپڪاري جا ڪيترائي موقعا موجود آهن، ڪراچي بندرگاهه عالمي واپار جو اهم مرڪز آهي : مراد علي شاهه

وڏي وزير مراد علي شاهه سان رومانيا جي سفير ڊاڪٽر ڊين اسٽوينسڪو ملاقات ڪئي، ملاقات ۾ گڏيل دلچسپي جي معاملي تي خيالن جي ڏي وٺ ڪئي وئي، سنڌ ۽ رومانيا وچ ۾ واپاري لاڳاپا وڌائڻ تي اتفاق ڪيو ويو. ملاقات ۾ سنڌ ۽ رومانيا واپار کي هٿي ڏيڻ جي لاءِ گڏيل قدم کڻڻ تي اتفاق ڪيو ويو، تعليم جي شعبي ۾ اسڪالرشپ پروگرام تي گڏجي ڪم ڪرڻ تي اتفاق ڪيو ويو، رومانيا ۽ سنڌ زرعي ۽ ثقافتي سهڪار وڌائڻ تي به اتفاق ڪيو ويو. وڏي وزير مراد علي شاهه جو چوڻ هو ته ثقافتي شعبن ۾ گڏيل سهڪار سان لاڳاپا وڌيڪ مضبوط ٿيندا. وڏي وزير مراد علي شاهه جو چوڻ هو ته سنڌ ۾ سيڙپڪاري جا ڪيترائي موقعا موجود آهن، ڪراچي بندرگاهه عالمي واپار جو اهم مرڪز آهي. وڏي وزير مراد علي شاهه جو چوڻ هو ته ڪراچي پورٽ ۾ سيڙپڪاري جا ڪيترائي فائدا آهن. رومانيا جي سفر جو چوڻ هو ته رومانيا جو بندرگاهه پوري يورپ جي لاءِ اهم گيٽ وي آهي، رومانيا جي بندرگاهه ذريعي يورپ جا 450 ملين ماڻهن کي فائدو ملي ٿو. وڏي وزير مراد علي شاهه جو چوڻه و ته نوجوانن جي لاءِ تعليمي موقعا وڌائڻ اسان جي ترجيح آهي. رومانيا جي سفير جو چوڻ هو ته رومانيا جي حڪومت وٽ شهيد ذوالفقار علي ڀٽو جون ناياب تصويرون موجود آهن، اسان شهيد ذوالفقار علي ڀٽو جي تصويرن جي نمائش به ڪنداسين، تصويرن جي نمائش جي انتظار ۾ آهيون.