سپريم جوڊيشل ڪميشن طرفان ججن بابت اخلاقي ضابطي لاءِ ڪميٽي قائم، ججن خلاف 35 مان 30 شڪايتون رد

سپريم جڊيشل ڪائونسل جي اجلاس ۾ ججز ڪوڊ آف ڪنڊڪٽ ۾ ترميم لاءِ جسٽس منيب اختر جي سربراهيءَ ۾ ڪميٽي قائم ڪري ججن خلاف 35 کان 30 شڪايتون خارج ڪيون ويون. چيف جسٽس يحيٰ آفريديءَ جي صدارت هيٺ سپريم جڊيشل ڪائونسل جو اجلاس ٿيو، جنهن ۾ جسٽس منصور علي شاهه، جسٽس منيب اختر، اسلام آباد هائيڪورٽ جي چيف جسٽس عامر فاروق ۽ بلوچستان هائيڪورٽ جي چيف جسٽس هاشم ڪاڪڙ شرڪت ڪئي. اجلاس جي جاري ڪيل پڌرنامي ۾ چيو يو ته جڊيشل ڪميشن، ججن خلاف  35 مان 30 شڪايتون خارج ڪري ڇڏيون. پڌرنامي موجب اجلاس ۾ ججز ڪوڊ آف ڪنڊڪٽ ۾ ترميم جو معاملو به غور هيٺ آيو، جنهن تي جسٽس منيب اختر جي سربراهيءَ ۾ ڪميٽي قائم ڪئي وئي.