شاھه رخ خان جي ٽيم ڪولڪتا نائيٽ رائيڊرز ٽيون ڀيرو آءِ پي ايل جي ٽرافي کٽي ورتي

چنائي ۾ کيڏيل انڊين پريميئر ليگ 2024 جي فائنل ۾ سن رائيزرز حيدرآباد ٽاس کٽي پهريان بيٽنگ ڪرڻ جو فيصلو ڪيو، جيڪو غلط ثابت ٿيو ۽ پوري ٽيم 18.3 اوورن ۾ صرف 113 رنسون ٺاهي سگهي، جواب ۾ ڪولڪتا نائيٽ رائيڊرز 114 رنسن جو هدف 2 وڪيٽن جي نقصان تي 10.3 اوورن ۾ حاصل ڪري ورتو. ڪي ڪي آر لاءِ وينڪتيش آئير جارحاڻي اننگز کيڏي ۽ صرف 24 بالن تي ففٽي اسڪور ڪئي ۽ 52 رنسون ٺاهي ناٽ آئوٽ رهيو. واضح رهي ته ڪولڪتا نائيٽ رائيڊرز ٽيون ڀيرو آءِ پي ايل جي ٽرافي کٽڻ ۾ ڪامياب ٿي آهي، ان کان اڳ ڪي ڪي آر گوتم گمڀير جي ڪپتاني ۾ 2012 ۽ 2014 ۾ آءِ پي ايل جو فائنل کٽيو هو.