شڪارپور ضلعي ۾ پيپلزپارٽي ڪلين سوئپ ڪري ورتو

شڪارپور ضلعي ۾ پيپلزپارٽي ڪلين سوئپ ڪري ورتو. شڪارپور جي ٻن قومي ۽ ٽن صوبائي تڪن تي پ پ اميدوار ڪامياب ٿيا. اين اي 192 شڪارپور تي شبير بجاراڻي لک 25 هزار 197 ووٽ کڻي ڪامياب ٿيو، ڊاڪٽر ابراهيم جتوئي 76 هزار 864 ووٽ حاصل ڪيا. اين اين 193 شڪارپور تي شهريار مهر لک 31 هزار 82 ووٽ کڻي ڪاميابي حاصل ڪئي، جي يو آءِ جي راشد محمود سومري 56 هزار 153 ووٽ حاصل ڪيا. پي ايس 7 تي امتياز شيخ 60 هزار 904 ووٽ کڻي ڪاميابي ماڻي، جي يو آءِ جي آغا تيمور پٺاڻ 43 هزار 575 ووٽ حاصل ڪري سگهيو. پي ايس 8 تي عارف مهر 64 هزار 16 ووٽ کڻي سوڀارو ٿيو، جي يو آءِ جي عابد جتوئي 51 هزار 869 ووٽ حاصل ڪيا. پي ايس 9 تي آغا سراج دراني 63 هزار 760 ووٽ کڻي ڪاميابي حاصل ڪئي، جي يو آءِ جي رشد الله امروٽيءَ 25 هزار 634 ووٽ حاصل ڪري سگهيو.