عيسائين جي مذهبي پيشوا پوپ فرانسس اسرائيل کي دهشتگرد ملڪ قرار ڏئي ڇڏيو

عيسائين جي مذهبي پيشوا پوپ فرانسس غزه جي صورتحال تي سخت رد عمل ظاهر ڪندي اسرائيل کي دهشتگرد ملڪ قرار ڏئي ڇڏيو. پرڏيهي خابرو اداري موجب، پوپ فرانسس پنهنجي هڪ بيان ۾ چيو آهي ته غزه مان مسلسل تڪليف ڏيندڙ خبرون اچي رهيون آهن، بنا ڪنهن سبب جي اتان جي هٿين خالي شهرين تي وحشياڻي بمباري ڪئي پئي وڃي ۽ گوليون هلايو پيون وڃن. هن چيو ته اهڙا ڪيترائي واقعا آهن جيڪي انسانيت سوز آهن، هڪ ماءُ ۽ ڌي کي اسرائيلي اسنائپر ريسٽ روم ويندي گولي هنئي، اها سڌي سنئين دهشتگردي آهي. پوپ فرانسس موجب، عالمي برادري کي ان حوالي سان اڳتي وڌي پنهنجو ڪردار ادا ڪرڻ گھرجي ته جيئن غزه ۾ انسانيت سوز واقعا روڪي سگھجن ۽ اسرائيل کي جارحيت کان روڪي سگھجي.