غزه فلسطيني سرزمين آهي ۽ رهندي : امريڪا

امريڪا، اسرائيلي وزيرن طرفان فلسطينين کي غزه مان نڪري وڃڻ واري بيان جي مذمت ڪندي چيو آهي ته غزه فلسطيني سرزمين آهي ۽ رهندي. امريڪي پرڏيهي کاتي جي ترجمان ميٿو ملر جو چوڻ آهي ته اسرائيلي وزيرن جا بيان چڙ ڏياريندڙ ۽ غير ذميواراڻا آهن. امريڪي پرڏيهي کاتي جي ترجمان جو وڌيڪ چوڻ هو ته حماس جو هاڻي ڪوبه مسقبل ناهي، ڪوبه دهشتگرد گروپ اسرائيل جي لاءِ خطرو ناهي.