غير قانوني طور رهندڙ افغانين جي حوالي سان رياست جي واضع پاليسي آهي : ضياءُ الحسن لنجار

سنڌ جي گھرو وزير ضياءُ الحسن لنجار چيو آهي ته غير قانوني طور رهندڙ افغانين جي حوالي سان رياست جي واضع پاليسي آهي. پنهنجي جاري بيان ۾ صوبائي گھرو وزير چيو ته سنڌ سميت سڄي ملڪ ۾ غير قانوني طور رهندڙ افغانين کي سندن وطن واپس موڪليو پيو وڃي، ان سلسلي ۾ پوليس ۽ قانون لاڳو ڪندڙ ادارن کي واضع هدايتون آهن. سندس چوڻ هو ته ساڻس جڙيل سوشل ميڊيا تي هلندڙ خبرن ۾ ڪابه صداقت ناهي، غير قانوني طور رهندڙ افغانين جي لاءِ هتي ڪابه جاءِ ناهي. هن چيو ته رياستي پاليسي تي عملدرآمد کي يقيني بڻايو پيو وڃي، سوشل ميڊيا تي ڪوڙين ۽ من گھڙت خبرن کان پاسو ڪيو وڃي. سندس وڌيڪ چوڻ هو ته سنڌ جو عوام غيرقانوني طور رهندڙ ماڻهن جي نشاندهي ۾ پنهنجو هاڪاري ڪردار ادا ڪري.