- Advertisement -
بجلي جي ڳرن بلن ۽ واڌو ٽيڪس خلاف واپارين جي ملڪگير شٽر بند هڙتال رنگ لاتو، فيڊرل بورڊ آف روينيو ٽيڪس اسڪيم ۾ واپارين جي مرضي موجب تبديليون ڪرڻ لاءِ تيار ٿي ويو آهي.
ايف بي آر ذريعن موجب جيڪڏهن واپاري تيار ٿين ته ترميمي نوٽ فوري طور جاري ڪري سگهجي ٿو.
ذريعن جو چوڻ آهي ته مسودي ۾ ننڍن واپارين کي ٽيڪس کان ڇوٽ ڏيڻ واري ترميم شامل ڪئي وئي آهي.
انڪم ٽيڪس ريٽرن فارم آسان اردو زبان ۾ جاري ڪيو ويندو.
10 ڪروڙ رپين جي سالياني ٽرن اوور تي سيلز ٽيڪس لاڳو نه ڪرڻ جي تجويز آهي.
ذريعن جو چوڻ آهي ته ايف بي آر طرفان واپارين جي انڪم ٽيڪس ٽيبل ۾ ترميم جو به امڪان آهي.
واضح رهي ته گذريل ڏينهن واپاري تنظيمن جا نمائندا ايف بي آر چيئرمين سان ملاقات لاءِ نه آيا هئا.- Advertisement -
