- Advertisement -
اذلان شاهه هاڪي ٽونارمينٽ ۾ پاڪستان جي ڪاميابين جو سلسلو جاري آهي، قومي ٽيم ڪينيڊا کي دلچسپ مقابلي بعد چئن جي ڀيٽ ۾ پنجن گولن تان شڪست ڏئي ڇڏي.
ملائيشيا جي شهر ايپوه ۾ هلندڙ 30هين اذلان شاهه هاڪي ٽورنامينٽ ۾ پاڪستان ۽ ڪينيڊا وچ ۾ ميچ ٿي.
ڪينيڊا طرفان شان ڊيوس ميچ جي پنجين ۽ هربير سڌو سترهين منٽ ۾ گول ڪري پنهنجي ٽيم کي سرسي ڏياري پر ٻئي ڪوارٽر ۾ ابوبڪر محمود پيلنٽي ڪارنرن تي ٻه گول ڪري اسڪور برابر ڪيو.
ميچ جي ٽئين ڪوارٽر ۾ قومي ٽيم ڪينيڊا تي حاوي رهي، ارشد لياقت، رانا وحيد اشرف ۽ غضنفر علي گول ڪري قومي ٽيم جي سرسي وڌائي ڇڏي.
ٽئين ڪوارٽر جي آخري منٽن ۾ شان ڊيوس ۽ چوٿين ڪوارٽر ۾ اوجوت بٽر گول ڪري صورتحال دلچسپ بڻائي ڇڏي، پر ميچ جي پڄاڻيءَ تائين پاڪستان کي هڪ گول جي سرسي حاصل رهي ۽ قومي ٽيم ميچ ۾ ڪاميابي ماڻي.- Advertisement -
