لاڙڪاڻو: مبينا پوليس مقابلو، هڪ ڏوهاري زخمي حالت ۾ گرفتار

لاڙڪاڻي ۾ پوليس مبينا مقابلي ۾ ھڪ ڏوھاري کي زخمي حالت ۾ گرفتار ڪري هٿيار هٿ ڪرڻ جي دعويٰ ڪئي آهي.

پوليس جو چوڻ آهي ته رحمت پور ٿاڻي جي حد پير مراد شاهه واري علائقي ۾ گشت دوران پوليس ۽ ڏوهارين ۾ مقابلوي دوران ھڪ ڏوھاري کي زخمي حالت ۾ گرفتار ڪيو ويو آهي.

پوليس موجب زخمي حالت ۾ گرفتار ڪيل ڏوهاري جي سڃاڻپ ذوالفقار چانڊيو طور ٿي آهي.

پوليس جو چوڻ آهي ته زخمي حالت ۾ گرفتار ڪيل ڏوهاري ذوالفقار چانڊيو مٿان مختلف ٿاڻن تي ڪيترائي ڪيس داخل آهن.

پوليس جو چوڻ آهي ته زخمي حالت ۾ گرفتار ڪيل ڏوهاري جي ساٿين جي گرفتاري لاءِ علائقي ۾ ناڪابندي ڪري سرچ آپريشن ڪيو پيو وڃي.