مديجي ويجهو چوري واردات دوران ڀاڳيا سجاڳ ٿي پيا، چورن جي فائرنگ ۾ هڪ ڀاڳيو زخمي ٿي پيو

مديجي ويجهو چوري واردات دوران ڀاڳيا سجاڳ ٿي پيا، چورن جي فائرنگ ۾ هڪ ڀاڳيو زخمي ٿي پيو. ڳوٺ خدا بخش بروهي ۾ اڻڄاتل چورن ڳوٺاڻي شاهنواز بروهي جي گهر ۾ داخل ٿي مينهن ڪاهڻ جي ڪوشش ڪئي ته ڀاڳيا سجاڳ ٿي پيا. گهر ڌڻين جي رڙين تي چور فائرنگ ڪري فرار ٿيڻ لڳا، ڀاڳين جي مزاحمت هڪ ڳوٺاڻو منور بروهي گولي لڳڻ سبب زخمي ٿي پيو. ان موقعي تي ڳوٺاڻن دانهيندي چيو ته مديجي ٿاڻي جي حد ۾ بدامني وڌي وئي آهي، چورن شاهنواز بروهي جي گهر ۾ داخل ٿي مينهن ڪاهڻ جي ڪوشش ڪئي. هنن چيو ته ڳوٺاڻن طرفان مزاحمت ڪرڻ تي چورن فائرنگ ڪري ڏني، نتيجي ۾ هڪ ڳوٺاڻو امام الدين بروهي زخمي ٿي پيو آهي. فائرنگ واقعي جو اطلاع ڏيڻ باوجود پوليس نه پهتي.