اڳوڻي وزيراعظم ۽ ن ليگ جي صدر شهبازشريف چيو آهي ته معاشي بحالي لاءِ ضروري آهي ته ماضيءَ واريون غلطيون نه ورجايون وڃن، قوم نوازشريف جي قيادت ۾ ن ليگ کي موقعو ڏي، هو مهانگائي کان ڇوٽڪاري ۽ ترقي جي ضمانت ڏي ٿو.
شهبازشريف سان لاهور ۽ پنجاب ٽريڊرز ايوسيشن جي عهديدارن ملاقات ڪئي، جنهن ۾ ملڪ جي مجموعي صورتحال ۽ معيشت بابت معاملن تي خيالن جي ڏي وٺ ڪئي وئي.
ان موقعي تي ڳالهائيندي شهبازش ريف چيو ته نوازشريف معاشي ڏکيائين جي حل واري ايجنڊا ڏيندو، ن ليگ سدائين سياست تي رياست کي ترجيح ڏني آهي، نوازشريف جي ايجنڊا قوم جو اتحاد ۽ معاشي بحالي آهي.
هن چيو ته معاشي بحالي ۽ مهانگائي کان ڇوٽڪاري لاءِ ضروري آهي ته ماضيءَ واريون غلطيون نه ورجايون وڃن، قوم جو اتحاد، سياسي تسلسل ۽ درست پاليسين سان ئي معاشي ترقي يقيني بڻائي سگهجي ٿي.
شهبازشريف چيو ته قوم نوازشريف جي قيادت ۾ ن ليگ کي ذميواري ڏي، هو مهانگائي کان ڇوٽڪاري ۽ ترقي جي ضمانت ڏي ٿو..
