ملير ۾ اسٽيل ٽائون پوليس ۽ هٿياربندن ۾ مقابلو، ھڪ ڦورو مارجي ويو

ملير ۾ اسٽيل ٽائون پوليس ۽ هٿياربندن ۾ مقابلو ٿي پيو آهي جنهن  ۾  هڪ ڦورو مارڻ جي دعويٰ ڪئي وئي آهي.

ھٿيار بندن شھري کان ڦر پئي ڪئي ته موٽر سائيڪل گشت ڪندڙ اھلڪارن سان پپري ويجھو مقابلو ٿي پيو جنهن دوران فائرنگ ۾  ھڪ ڦورو مارجي ويو.

ايس ايڇ او اسٽيل ٽائون سالم رند سنڌ ٽي وي نيوز کي ٻڌايو ته ڦر ٿيل سامان، پسٽل ۽ موٽر سائيڪل ھٿ ڪئي وئي آهي.

سندس چوڻ هو ته ڦورو جي سڃاڻپ نه ٿي سگھي آھي لاش پوليس تحويل ۾ وٺي پوسٽ مارٽم لاءِ جناح  اسپتال اماڻي ڇڏيو آهي.

هن چيو ته واقعي بابت اڃان جاچ جاري آهي جلد ڦورو جي سڃاڻپ ٿي ويندي.