ميرپورماٿيلو ۾ پسند جي پرڻي لاءِ گهران نڪتل ناري قتل

ميرپورماٿيلو ۾ پسند جي شادي لاءِ گهران نڪتل کي ناري بيدرديءَ سان قتل ڪيو ويو، جڏهن ته خانپور مهر ڀرسان ناريءَ جو لاش ڦٽو ڪندڙ چئن جوابدارن کي پوليس گرفتار ڪري ورتو. پوليس جو چوڻ هو ته صغران ڌيءُ انور مهر هڪ هفتو اڳ نوجوان جمشيد شيخ سان گهران نڪري وئي هئي، راڄوڻي ذريعي واپس ڪرائڻ بعد کيس قتل ڪيو ويو. پوليس موجب، گرفتار ڪيل جوابدار غلام نبي مهر، غلام علي، عارب ۽ سجاول مهر مقتول ناري جا سئوٽ آهن، جڏهن ته واردات ۾ استعمال ٿيل ڪار هٿ ڪئي وئي آهي. پوليس ٻڌايو ته ناري جي قتل ۾ ٻيا جوابدار ملوث ٿي سگهن ٿا، واقعي جي جاچ ڪئي پئي وڃي، جڏهن ته سرڪار جي فرياد تي ڪيس داخل ڪيو ويندو…..