نوازشريف جي وطن واپسي جو تياريون آخري مرحلي ۾ داخل

مسلم ليگ ن جي قائد نواز شريف جي ڏيهه واپسي جون تياريون آخري مرحلي ۾ آهن. مسلم ليگ (ن) سنڌ طرفان ڪاروان سنڌ جي نالي سان ٻه ٽرينون سڀاڻي لاهور لاءِ رواني ٿينديون. ن ليگ ڪارڪنن سان گڏ سڀاڻي اسپيشل ٽرين سٽي اسٽيشن ڪراچي کان لاهور ويندي. حيدرآباد ۽ ٻين علائقن مان ڪارڪن ٻي ٽرين ۾ سوار ٿيندا. ٻئي ٽرينون خاص طور تي سينگاريون ويون آهن. ٻنهي ٽرينن تي ڀليڪار جا پينافليڪس لڳايا ويا. نواز شريف جي آجيان لاءِ سنڌي ۽ اردو ۾ به نعرا لکيا ويا. چلو چلو مينار پاڪستان چلو ۽ نواز شريف ايندو ملڪ کي ٻيهر خوشحال بڻائيندو جا نعرن جا پينافليڪس لڳايا ويا آهن. مسلم ليگ ن جي استقباليه ڪميٽي اڄ پريس ڪانفرنس ڪري ٽرينن جو شيڊول جاري ڪندي.