هو اڄ پيغام ڏئي رهيا آهن ته پاڪستان جو عوام ختم نبوت دفاع ڪرڻ ڄاڻي ٿو: مولانا فضل الرحمان

جي يو آءِ سربراهه مولانا فضل الرحمان چيو آهي ته هو اڄ پيغام ڏئي رهيا آهن ته پاڪستان جو عوام ختم نبوت دفاع ڪرڻ ڄاڻي ٿو. لاهور ۾ مينار پاڪستان تي ختم نبوت ڪانفرنس کي خطاب ڪندي مولانا فضل الرحمان جو چوڻ هو ته گھڻن ئي ماڻهن چيو ته اسرائيل کي تسليم ڪرڻ گھرجي، هو عالمي برادري کي پيغام ڏيڻ چاهين ٿا ته اسرائيل جو وجود تسليم نٿو ڪري سگھجي. هن چيو ته فلسطين ۾ اسرائيل جو ظلم ۽ بربريت جاري آهي، حماس جا مجاهد فلسطين جي آزادي لاءِ اڳتي وڌن. ملڪي صورتحال تي ڳالهائيندي مولانا فضل الرحمان چيو ته بلوچستان ۽ خيبرپختونخوا ۾ حڪومت جي رٽ ختم ٿي چڪي آهي، امن نٿا ڏئي سگھن ته ٽيڪس ڇاجو وٺي رهيا آهن. ڪانفرنس کي مفتي تقي عثماني ۽ ٻين عالم سڳورن پڻ خطاب ڪيو……