وزيراعظم شهباز شريف پاڪستان لاءِ خوشخبري آهي؛ مريم اورنگزيب

مسلم ليگ نون جي اطلاعات سيڪريٽري مريم اورنگزيب چيو آهي ته وزيراعظم شهباز شريف پاڪستان لاءِ خوشخبري آهي، ترقي جو سفر 2018ع ۾ رڪجي ويو هو، هاڻي ٻيهر شروع ٿيندو، نوجوانن کي روزگار، ڪاروبار ۽ ترقي جو دور شروع ٿيندو، شهباز شريف ملڪ کي ڊيفالٽ ٿيڻ کان بچايو هو، هاڻي معيشيت کي مضبوط ڪندو، ملڪ ۾ سياسي ۽ معاشي استحڪام ايندو، عوام جون مشڪل حالتون بهتر ٿينديون. جاري ڪيل پنهنجي بيان ۾ مريم اورنگزيب چيو ته ترقي جو جيڪو سفر 2018ع ۾ رڪجي ويو هو، هاڻي  ٻيهر شروع ٿيندو. سندس چوڻ هو ته نوجوانن لاءِ روزگار، ڪاروبار ۽ ترقي جو دور ٻيهر شروع ٿي رهيو آهي، شهباز شريف ملڪ کي ڊيفالٽ ٿيڻ کان بچايو، هاڻي معيشت کي  استحڪام ڏيندو. مسلم ليگ نون جي اطلاعات سيڪريٽري مريم اورنگزيب چيو ته پاڪستان ۾ سياسي ۽ معاشي استحڪام سان عوام جو ڏکيون حالتون بهتر ٿينديون، ملڪ ۾ هڪ ڀيرو ٻيهر تعليم، صحت، آءِ ٽي، زراعت، صنعت ۽ نوجوانن جي ترقي جو سفر شروع ٿي رهيو آهي. هن چيو ته چئن سالن کان جنهن بي رحمي سان ملڪ جي سمورن شعبن کي برباد ڪيو ويو، ان جي بحالي  ۽ نئين سر تعمير شروع ٿيندي، شفافيت ۽ عوام خدمت جو  دور هڪ ڀيرو ٻيهر شروع ٿي رهيو آهي. مسلم ليگ نون جي اطلاعات سيڪريٽري مريم اورنگزيب چيو ته نوجوانن کي ليپ ٽاپ، آءِ ٽي ۾ ترقي، روزگار ۽ راندين جا موقع ڏيڻ جو دور شروع ٿي رهيو آهي، پاڪسان جي پرڏيهي لاڳاپن ۾ بهتري ۽ اعتماد جو نئين دور جي شروعات ٿيندي..