پاڪستان ۽ آءِ ايم ايف ۾ ڳالهين جو آخري دور اڄ ٿيندو

پاڪستان ۽ آءِ ايم ايف ۾ ڳالهين جو آخري ڏينهن آهي، معاشي۽ مالياتي پاليسين جي يادداشت جي مسودي کي حتمي شڪل ڏني ويندي. آءِ ايم ايف مشن جو 18 مارچ تائين پاڪستان ۾ ترسڻ جو پلان شيڊيول آهي، ضرورت پوڻ تي ڳالهين ۾ هڪ ڏينهن جي واڌ ڪري سگهجي ٿي. رپورٽن موجب، آءِ ايم اي جو ايگزيڪٽو بورڊ اپريل ۾ آخري قسط جي منظوري ڏيندو. ناڻي واري وزارت جو چوڻ آهي ته آءِ ايم ايف سان ڳالهيون ڪامياب ٿيڻ جو امڪان آهي، عالمي مالياتي اداري اڃا تائين ڪا نئين شرط نه لاڳو ڪئي آهي. ناڻي واري وزارت موجب، ڳالهين جي ڪاميابي آءِ ايم ايف جي اطمينان سان مشروط آهي، ڳالهيون ڪامياب ٿيڻ تي پاڪستان ۽ آءِ ايم ايف ۾ اسٽاف ليول معاهدو ٿيندو. واضع رهي ته آءِ اي ايم ايف ۽ عالمي بينڪ جو ساليانو اجلاس 15 اپريل کان واشنگٽن ۾ ٿيندا، پاڪستان طرفان نئين ۽ وڏي قرض پروگرام جي لاءِ درخواست ڏني ويندي. ناڻي وارو وفاقي وزير اورنگزيب واشنگٽن ۾ آءِ ايم ايف ۽ عالمي بينڪ جي اسپرنگ ميٽنگز ۾ شرڪت ڪندو…..