پاڪستان ۾ ايل پي جي اگهه ۾ رڪارڊ گهٽتائي

مهانگائي جي ستايل عوام لاءِ خوشخبري آهي ته پاڪستان ۾ ايل پي جي اگهه ۾ رڪارڊ گهٽتائي ڪئي وئي آهي. ايل پي جي ڊسٽريبيوٽرز ايسوسيئشن جي چيئرمين عرفان کوکر طرفان جاري ڪيل بيان ۾ چيو ويو ته ايل پي جي لوڪل ڊسٽريبيوٽر ۽ امپورٽر وچ ۾ جهيڙي سبب ايل پي جي جو اگهه 60 کان ستر رپيا في ڪلو گهٽ ٿي ويو آهي. هن چيو ته ايل پي جي قميت 250 رپين کان 180 رپيا في ڪلو ٿي وئي آهي. عرفان کوکر چيو ته گهرايل ايل پي جي جا 3 جهاز ڪراچي ايئرپورٽ تي پهچندي ئي او جي ڊي سي ايل پيداواري لاڳت گهٽ ڪري ڇڏي آهي، جنهن بعد هڪ ٻيو جهاز  ٻن ٽن ڏينهن ۾ پاڪستان پهچي ويندو، جنهن کانپوءِ ايل پي جي وڌيڪ سستي ٿيندي. هن چيو ته اوگرا ايل پي جي جو اگهه 238 رپيا في ڪلو مقرر ڪيو هو پر مافيا 240 کان 250 رپيا في ڪلو وڪري ڪري رهيا هئا.