پاڪستان ۾ ڪرڪيٽ جو سڀ کان وڏو ميلو پي ايس ايل اڄ کان شروع ٿيندو

پاڪستان ۾ ڪرڪيٽ جو سڀ کان وڏو ميلو پاڪستان سپر ليگ جو نائون ايڊيشن اڄ کان شروع ٿي رهيو آهي، ايونٽ جي پهرين ميچ دفاعي چيمپيئنز لاهور قلندرز ۽ اسلام آباد يونائيٽڊ ۾ کيڏي ويندي. ميچ کان افتتاحي تقريب سان ٽورنامينٽ    جي شروعات ڪئي ويندي جنهن ۾ ملڪ جا ناليوارا فنڪار پنهنجي فن جو مظاهرو ڪدنا جڏهن ته شوقينن لاءِ آتشبازي ۽ ليزر شو به بندوبست ڪيو ويو آهي. پي ايس ايل جي افتتاحي تقريب شام ساڍي ڇهين وڳي قذافي اسٽيڊيم ۾ شروع ٿيندي، اسٽيڊيم ۾ داخلا ساڍي ٽين وڳي شروع ٿي ويندي، افتتاحي تقريب ۾ علي ظفر، آئمه بيگ، عارف لوهار ۽ نوري پرفارم ڪندا. ٻئي پاسي دنيا جي مختلف ملڪ جا رانديگر پنهنجي ٽيم کي جوائن ڪري ورتو آهي، ٽيمن طرفان مقابلن لاءِ تياري مڪمل ڪئي وئي آهي. ياد رهي ته ي ايس ايل 9 ۾ 6  ٽيمن وچ ۾ ٻن مرحلن تي ٻڌل 34 ميچون کيڏيون وينديون جڏهن ته ايونٽ جو فائنل 18 مارچ تي ڪراچي ۾ کيڏيو ويندو.