پرچي تي وزيراعليٰ ناهيان ٿيو، افغان پاليسي تي نظرثاني ڪرڻي پوندي دهشتگردي جي خاتمي لاءِ عوام ۽ ان جي نمائندن کان پڇڻو پوندو :سهيل آفريدي

ڪي پي جي نئين وڏي وزير سهيل آفريدي چيو آهي ته هو پرچي تي وڏو وزير نه ٿيو آهي، قبائلي هئڻ تي فخر آهي، سندس نالي پويان، ڀٽو، زرداري يا شريف ناهي، پنهنجي ڪارڪردگي ذريعي وڏو وزير ٿيو آهي، هڪ مائينڊ سيٽ سان 78 سالن کان قبائلي عوام تي حڪومت ڪئي پئي وڃي، هو مڊل ڪلاس جو شهري ۽ سڀ کان پهريون پاڪستاني آهي. قائد ايوان چونڊڻ کانپوءِ سهيل آفريدي اسيمبلي اجلاس کي خطاب ڪندي چيو ته هو تحريڪ انصاف باني جو ٿورائتو آهي جنهن هن ورڪر کي جنهن جو نه ڀاءُ، پيءُ  ۽ نه چاچو سياست ۾ آهي ان کي هن عهدي لاءِ چونڊيو. سندس چوڻ هو ته  هو پرچي تي وڏو وزير نه ٿيو آهي، قبائلي هئڻ تي فخر آهي، سندس نالي پويان، ڀٽو، زرداري يا شريف ناهي، پنهنجي ڪارڪردگي ذريعي وڏو وزير ٿيو آهي. ڪي پي جي نئين وڏي وزير سهيل آفريدي چيو ته هڪ مائينڊ سيٽ سان 78 سالن کان قبائلي عوام تي حڪومت ڪئي پئي وڃي، هو مڊل ڪلاس جو شهري ۽ سڀ کان پهريون پاڪستاني آهي.