پرڏيهي وزير اسحاق ڊار پنجين پاڪ چين پرڏيهي وزيرن جي اسٽريٽجڪ ڊائيلاگ لاءِ چين پهچي ويو

پرڏيهي وزير اسحاق ڊار پنجين پاڪ چين پرڏيهي وزيرن جي اسٽريٽجڪ ڊائيلاگ لاءِ چين پهچي ويو. پرڏيهي آفيس جي ترجمان جو چوڻ آهي ته بيجنگ پهچڻ تي پرڏيهي وزير اسحاق ڊار جو ڊائريڪٽر جنرل، سفير وانگ فو ڪانگ ۽ چين ۾ مقرر پاڪستاني سفير خليل هاشمي آڌر ڀاءُ ڪيو. ترجمان موجب، نائن وزيراعظم اسحاق ڊار پنجين پاڪ چين پرڏيهي وزيرن جي اسٽريٽجڪ ڊائيلاگ جي گڏيل صدارت ڪندو. پرڏيهي آفيس جي ترجمان جو چوڻ آهي ته اسٽريٽجڪ ڊائيلاگ ۾ پاڪ چين لاڳاپن جي سمورن رخن جو جائزو ورتو ويندو. ترجمان موجب، پرڏيهي وزير اسحاق ڊار چيني اڳواڻن، اعليٰ اختيارين ۽ ڪاروباري شخصيتن سان ملاقاتون به ڪندو.