پنوعاقل: پوليس جو مبينا مقابلو، هڪ ڏوهاري زخمي حالت ۾ گرفتار

پنوعاقل پوليس مقابلي دوران هڪ ڏوهاري کي زخمي حالت ۾گرفتار ڪري سندس قبضي مان هٿيار هٿ ڪرڻ جي دعوى ڪئي آهي. ايس ايس پي سکر زبير نذير شيخ جو چوڻ آهي ته سانگي ٿاڻي جي حد ھڱورو لنڪ روڊ ويجھو پوليس ۽ ھٿياربندن ۾ مقابلو ٿي پيو، فائرنگ جي ڏي وٺ بعد ھڪ کي زخمي حالت ۾ گرفتار ڪيو ويو جڏهن ته سندس ٽي ساٿي اونڌاهي جو فائدو وٺي فرار ٿي ويا. ايس ايس پي موجب زخمي جوابدار جي سڃاڻپ عارف بليدي طور ٿي سندس قبضي مان پسٽل ۽ گوليون هٿ ڪري طبي امداد لاءِ اسپتال منتقل ڪيو ويو. ايس ايس پي سکر جو چوڻ هو ته گرفتار ڏوهاري بلوچستان جو رهواسي آهي، جوابدار چوري، ڦر ۽ ٻين وارداتن ۾ گهربل هو، سندس وڌيڪ ڪرمنل رڪارڊ چيڪ ڪيو پيو وڃي.