پيپلز پارٽي 27هين آئيني ترميم جي تجويز مان هڪ نڪتي کانسواءِ باقي سمورا نڪتا رد ڪري ڇڏيا

27هين آئيني ترميم بابت پيپلزپارٽي جي سينٽرل ايگزيڪيوٽو ڪاميٽي جو اجلاس ٿيو، جنهن ۾ ترميم بابت مشاورت ڪئي وئي. اجلاس کان پوءِ چيئرمين بلاول ڀٽو پريس بريفنگ ۾ چيو ته ن ليگ جو هڪ وفد پيپلز پارٽي وٽ آيو ۽ 27هين ترميم جي حمايت لاءِ چيو، جنهن ۾ آئيني عدالت، اين ايف سي، تعليم، آبادي جي منصوبابندي، ايگزيڪيوٽو مجسٽريٽ، ججن جي بدلي ۽ اليڪشن ڪميشن بابت تجويزون شامل هيون. بلاول ڀٽو چيو ته آرٽيڪل 243 ۾ حڪومت طرفان ترميم آڻڻ جو ارادو آهي، سينٽرل ايگزيڪيوٽو ڪاميٽي صرف ان ئي ترميم جي حمايت ڪئي آهي. هن واضح ڪيو ته اين ايف سي ۾ صوبن جو حصو گھٽائڻ بابت شق کي پيپلز پارٽي مڪمل طور رد ڪري ٿي ۽ ڪنهن به صورت ۾ ان جي حمايت نه ڪئي ويندي، اين ايف سي فارمولو تبديل ڪرڻ سميت 27هين ترميم جا باقي نڪتا به مڪمل طور تي رد ڪيا ويا آهن آئيني عدالت بابت ڳالهائيندي بلاول ڀٽو چيو ته ميثاق جمهوريت ۾ ان جو ذڪر هو ته آئيني عدالت قائم ٿيڻ گهرجي، پر ان معاهدي ۾ ٻيون شيون به هيو، آئيني عدالت تي راءِ اها آهي ته چارئي صوبن جي برابر نمائندگي هجي. هن وڌيڪ چيو ته سينٽرل ايگزيڪيوٽو ڪاميٽي جو اجلاس اڄ جمعي نماز کانپوءِ بيهر ٿيندو، جنهن ۾ آئيني عدالت بابت قطئي فيصلو ڪيو ويندو…….