چونڊ نتيجي جو بنيادي  ثبوت فارم 45 نه پر ووٽ آهي:چيف جسٽس قاضي فائز عيسيٰ

سپريم ڪورٽ جي چيف جسٽس قاضي فائز عيسيٰ چيو آهي ته چونڊ نتيجي جو بنيادي  ثبوت فارم 45 نه پر ووٽ آهي. سپريم ڪورٽ بلوچستان اسيمبلي جي سيٽ پي بي 14 تي چونڊ ڌانڌلي ڪيس جو فيصلو جاري ڪيو. تفصيلي فيصلي ۾ چيف جسٽس قاضي فائز عيسيٰ چيو ته بيلٽ باڪس کولي ٻيهر ڳڻپ جي صورت ۾ فارم 45 ۽ 47کي قطعي نه ٿو چئي سگهجي، بيلٽ پيپر ئي فيصلائتو عنصر هوندو آهي. چيف جسٽس قرار ڏنو ته ووٽن جي ٻيهر ڳڻپ جي درخواست منظور ٿئي ته ڳڻپ اميدوارن جي موجودگيءَ ۾ ٿيندي آهي ۽ پوءِ ڪاسٽ ڪيل ووٽ ئي تڪرار جو فيصلو ڪندا آهن. جسٽس قاضي فائز عيسيٰ چيو ته پي بي 14 نصير آباد ڌانڌلي ڪيس ٻڌندڙ ٽربيونل بلڪل درست نتيجو ڪڍيو، چونڊ نتيجا منصفاڻا هئا.