ڊالر جي اگهه ۾ لاٿ جو سلسلو برقرار

پاڪستاني رپئي جي مقابلي ۾ آمريڪي ڊالر جي ملهه ۾ گهٽتائيءَ جو سلسلو اڃا به جاري آهي. اڄ انٽربينڪ ۾ ڊالر هڪ رپيو 3 پيسا سستو ٿيڻ بعد 277 رپيا 55 پيسا جو ٿي ويو. خميس ڏينهن ڪاروبار جي پڄاڻي تي انٽربينڪ ۾ ڊالر 278 رپيا 55 پيسا هو. پاڪستان اسٽاڪ ايڪسچينج ۾ ڪاروبار جو اڄ به هاڪاري رجحان رهيو جتي هنڊريڊ انڊيڪس 49 هزار جي حد پار ڪري ڇڏي. پاڪستان اسٽاڪ ايڪسچينج هنڊريڊ انڊيڪس 292 پوائنٽس جي اضافي بعد 49 هزار 64 پوائنٽس ٿي وئي. خميس ڏينهن ڪاروبار جي پڄاڻي تي هنڊريڊ انڊيڪس 49 هزار 771 پوائنٽس تي بند ٿي هئي.