- Advertisement -
ڪراچي جي ميئر مرتضى وهاب هل پارڪ اسپورٽس ايرينا جو افتتاح ڪري ڇڏيو.
رات دير سان ميئر ڪراچي مرتضيٰ وهاب هل پارڪ پهتو، ان موقعي تي ٻيا عملدار ساڻس گڏ هئا.
مرتضيٰ وهاب جو چوڻ آهي ته اسپورٽس ايرينا ۾ ڪورڊ انڊور ڪرڪيٽ اسٽيڊيم ۽ فٽ بال اسٽيڊيم جون سهولتون فراهم ڪيون وينديون.
سندس چوڻ هو ته نوجوانن کي راندين جون سهولتون ملڻ گهرجن، شهر جي مختلف علائقن ۾ اسپورٽس ڪمپليڪس تعمير ڪري رهيا آهن.
هن چيو ته ڪڪري گرائونڊ، گذري فٽبال گرائونڊ، اسٽار گرائونڊ لانڍي کي جديد طرز تي تعمير ڪيو ويو آهي، رانديون ذهني ۽ جسماني صحت لاءِ تمام ضروري آهن.- Advertisement -
