ڪراچي سميت سڄي سنڌ ۾ احتجاج عوامي مينڊيٽ چوري خلاف آهي: سردار عبدالرحيم

جي ڊي اي اڳواڻ سردار عبدالرحيم چيو آهي ته سنڌ ۾ سندن احتجاج عوامي مينڊيٽ جي  چوري خلاف آهي، چوري ٿيل مينڊيٽ جي واپسي تائين احتجاج جاري رهندو. جاري ڪيل بيان ۾ جي ڊي اي اڳواڻ سردار عبدالرحيم جو چوڻ هو ته سنڌ اسيمبلي ٻاهران احتجاج ۾ جي ڊي اي، پي ٽي آءِ،  جماعت اسلامي، جي يو آءِ ف ۽ ايم ڪيو ايم حقيقي گڏ آهن. سندس چوڻ هو ته پرامن احتجاج اسان جو حق آهي، حڪومت طاقت جي استعمال کان پاسو ڪري. سردار عبدالرحيم جو چوڻ هو ته ڄامشورو ۽ مورو ڌرڻن کانپوءِ جعلي مينڊيٽ کڻندڙ پارٽيون  وائڙائپ جو شڪار ٿي ويون آهن.