ڪراچي : مهراڻ ٽائون ۾ پوليس ڪارروائي ڪندي ناري کي قتل ڪندڙ جوابدار گرفتار

ڪراچي جي علائقي ڪورنگي مهراڻ ٽائون ۾ پوليس ڪارروائي ڪندي ناري کي قتل ڪندڙ جوابدار کي گرفتار ڪري ورتو. ڪورنگي صنعتي علائقي جي پوليس ڇاپو هڻي جوابدار اسامه کي گرفتار ڪري ورتو. پوليس موجب جوابدار 10 جولاءِ تي نوجوان ناري ثمره کي فليٽ ۾ فائرنگ ڪري قتل ڪري فرار ٿي ويو هو. ايس پي انويسٽيگيشن ڪورنگي علي حسن جو چوڻ آهي ته جوابدار مقتولڻ ناري جو ننڍپڻ جو دوست ۽ ڪلاس فيلو به رهي چڪو آهي. ايس پي موجب جوابدار اسامه، ثمره کي ذاتي رنجش تان قتل ڪيو، جوابدار جو پسٽل مقتولڻ جي لاش ويجهو مليو هو، گرفتار جوابدار جي نشاندهي تي مقتولڻ ناري جا 2 موبائل فون هٿ ڪري ورتا آهن.