ڪراچي: نيٽي جيٽي پل تي آئل ٽينڪر ۽ ٽرالر ۾ ٽڪر، هزارين ليٽر آئل ضايع

ڪراچي ۾ ٽرالر ۽ آئل ٽينڪر ۾ ٽڪر سبب هزارين لٽر تيل ضايع ٿي ويو، جڏهن ته ڪيتريون ئي موٽرسائيڪلون سلپ ٿيڻ ڪري ڪيترائي ماڻهو زخمي ٿي پيا. ڪياماڙي واري علائقي ۾ نيٽي جيٽي پل تي ٽرالر ۽ آئل ٽينڪر ۾ ٽڪر ٿي پيو. آئل ٽينڪر سان پيش آيل حادثي سبب هزارين لٽر تيل روڊ تي ضايع ٿي ويو، جڏهن ته شهري ڊرمن ۾ تيل جمع ڪرڻ پهچي ويا. ڪيتريون ئي موٽرسائيڪلون سلپ ٿيڻ ڪري ڪيترائي ماڻهو زخمي ٿي پيا آهن. روڊ تي تيل ضايع ٿيڻ سبب ماڙي پور ويندڙ روڊ کي ٽريفڪ لاءِ بند ڪيو ويو، ٽريفڪ پوليس جي منع ڪرڻ باوجود شهري تيل کڻڻ لڳا. پوليس آئل ٽينڪر ۽ ٽرالر کي تحويل ۾ وٺي جاچ شروع ڪري ڇڏي.