- Advertisement -
ڪراچيءَ جي علائقي شير شاهه ۾ سي ٽي ڊي جي ڪاروائي ۾ ڊي ايس پي سي ٽي ڊي علي رضا قتل ڪيس ۾ ملوث 2 دهشتگرد مارجي ويا.
سي ٽي ڊي عملدارن جو چوڻ آهي ته مارجي ويل دهشتگردن جي سڃاڻپ قاسم رشيد ۽ عثمان جي نالن سان ڪئي وئي، دهشتگردن هلندڙ سال ڊي ايس پي سي ٽي ڊي علي رضا کي ڪريم آباد ۾ شهيد ڪيو هو.
ڊي ايس پي سي ٽي ڊي راجا عمر خطاب ميڊيا کي ٻڌايو ته علي رضا جي ريڪي ڪندڙ ٻن ڄڻن کي گرفتار ڪيو جن جي نشاندهي تي شير شاهه ۾ ڇاپو هنيو جتي ڊي ايس پي تي سڌيءَ ريت فائرنگ ڪندڙ ٻئي دهشتگرد مقابلي ۾ مارجي ويا.
سندس چوڻ هو ته دهشتگردن خلاف 35 ڪيس داخل هئا جن مان 25 قتل جا ڪيس هئا، مارجي ويلن جو تعلق پابندي مڙهيل تنظيم لشڪر جهنگوي سان هو جيڪي بعد ۾ پابندي مڙهيل تحريڪ طالبان ۾ شامل ٿيا هئا.
هن وڌيڪ چيو ته مارجي ويل دهشتگردن جي گرفتاري جي مدد ڏيندڙ لاءِ 50 لک رپين جي انعام جو اعلان ڪيو ويو هو- Advertisement -
