- Advertisement -
خيبرپختونخوا جي گورنر فيصل ڪريم ڪنڊي چيو آهي ته ڪرم ضلعي جي حالتن جي صوبائي حڪومت لاپرواهي ڪئي، وزيراعظم کي درخواست ڪئي آهي ته ضم ٿيل ضلعن جا فنڊ هڪ ڪميٽيءَ ذريعي اتي لڳايا وڃن جيئن قبائلي ماڻهن جي بي چيني ۽ محروميءَ وارو احساس ختم ٿي.
باجوڙ جي جرڳي سان ملاقات دوران ڳالهائيندي فيصل ڪريم ڪنڊي چيو ته قبائلي عوام جي محرومين جو چڱيءَ ريت احساس آهي.
هن چيو ته صوبائي حڪومت کي اختيار منتقل ٿي ويا آهن، وفاق کان ملندڙ رقم صوبائي حڪومت ضم ٿيل ضلعن بدران من پسند علائقن ۾ خرچ ڪئي آهي.
ڪي پي جي گورنر چيو ته امن قائم ڪرڻ ۽ صوبي جا وسيلا صوبي جي عوام تي خرچ ڪرڻ کي يقيني بڻائڻ لاءِ 5 ڊسمبر تي گورنر هائوس ۾ آل پارٽيز ڪانفرنس ڪوٺائي ويندي.
فيصل ڪريم ڪنڊي چيو ته ڪرم ضلعي جي حالتن جي صوبائي حڪومت لاپرواهي ڪئي، صوبي جي عوام لاءِ گورنر هائوس جا دروازا 24 ڪلاڪ کليل آهن.- Advertisement -
