ڪنري: پوليس جو ڪچي شراب جي بٺي تي ڇاپو، سوين ليٽر ڪچو شراب هٿ، 3 جوابدار گرفتار، ڪيس داخل

ڪنري پوليس شراب جي بٺي تي ڇاپو هڻي سوين ليٽر ڪچو شراب هٿ ڪري ٽن جوابدارن کي گرفتار ڪرڻ جي دعويٰ ڪئي  آهي.

پوليس جو چوڻ آهي ته نوحاڻي پاڙي ۾ ڳجهي اطلاع تي ڪچي شراب جي  بٺي تي ڇاپو هنيو ويو.

پوليس جو وڌيڪ چوڻ هو ته  ڇاپي دوران 160 ليٽر ديسي شراب، 800 ليٽر ڪچي شراب جا ڊرم ۽ گيلن هٿ ڪيا ويا.

پوليس موجب ڇاپي دوران  ٽن جوابدارن اڪبر نوحاڻي، راجا نوحاڻي ۽ مانجهي نوحاڻي کي گرفتار ڪيو ويو.

پوليس جو چوڻ آهي ته گرفتار ڪيل جوابدارن خلاف منشيات ايڪٽ تحت ڪيس داخل ڪيو ويو
آهي.