گيس جي اگهن ۾ سئو سيڪڙو کان وڌيڪ اضافي جو فيصلو

گيس جي اگهن ۾ سئو سيڪڙو کان وڌيڪ اضافي جو فيصلو ڪيو ويو آهي. ناڻي واري وزارت جي ذريعن موجب هلندڙ مالي سال دوران گيس سيڪٽر جي گردشي قرض ۾ 46 ارب رپيا اضافي جو خدشو آهي. گردشي قرض  ۾اضافي تي آءِ ايم ايف طرفان ڳڻتي جو اظهار ڪيو ويو آهي. ذريعن موجب جولاءِ کان سيپٽمبر تائين گيس ڪمپنين جي نقصان ۾ 46 ارب رپيا اضافو ٿي چڪو آهي ۽ گردشي قرض 27 سئو ارب رپين تائين پهچي چڪو آهي. اقتصادي جائزي کان اڳ گيس جي اگهه ۾ سئو سيڪڙو اضافي جو فيصلو ڪيو ويو آهي، اگهه نه وڌائڻ سان 185 ارب رپيا گهريلو واهپيدارن لاءِ آر ايل اين جي جا اگهه نه وڌائڻ سان 21 ارب رپين جو شارٽ فال ٿيندو. گيس جي اگهن ۾ اضافي لاءِ اقتصادي رابطا ڪميٽيءَ خاطر سمري تيار ڪئي وئي آهي، جيڪا ايندڙ اجلاس ۾ پيش ڪئي ويندي.