150 تولا سون چوري ڪرڻ واري بھارتي اداڪارا گرفتار ٿيڻ بعد سون واپس گھرڻ تي آپگهات ڪرڻ جي ڌمڪي ڏئي ڇڏي.
سائوٿ انڊين جي اداڪارا ۽ سوشل ميڊيا انفلوئنسر سوميه شيٽي کي مبينا طور تي 150 تولا سون چوري ڪرڻ جي الزام ۾ گرفتار ڪيو ويو.
ڀارتي ميڊيا رپورٽس موجب اداڪارا سوميه شيٽي کي مبينا طور تي 150 تولا سون جي چوري جي الزام ۾ پوليس گرفتار ڪيو آھي، سوميه جي خلاف سون چوري جي شڪايت ريٽائرڊ سرڪاري ملازم پرسادبابو جي طرفان داخل ڪرائي وئي هئي.
پرساد ايف آءِ آر ۾ ڄاڻايو ته سوميه سان دوستي ھڪ فلم جي آڊيشن ۾ ٿي هئي، سوميه گھر ايندي هئي ۽ گھر جو واش روم به استعمال ڪيو.
ايف آءِ آر ۾ فريادي پرساد چيو ته شادي تان واپسي تي خبر پئي ته گھر مان سون چوري ٿي ويو آھي ۽ سون چوري ڪرڻ ۾ سوميه شيٽي جو ھٿ آھي.
پوليس فنگرپرنٽس ۽ سي سي ٽي وي فوٽيج جي مدد سان سوميه شيٽي سميت 11 ماڻھن کان جاچ شروع ڪري ڇڏي .
پوليس جاچ دوران 74 گرام سون حاصل ڪري ورتو آھي.
سوميه پوليس کي ڌمڪي ڏني ته ھو باقي سون واپس نه ڪندي ۽ زبردستي ڪرڻ جي صورت ۾ آپگهات ڪندي….
