- Advertisement -
ڪراچي بار جي صدر عامر نواز وڙائچ چيو آهي ته 27هين آئيني ترميم جي خاتمي لاءِ گڏيل جدوجهد ڪرڻ جي ضرورت آهي.
ڪراچي بار جو صدر عامر نواز وڙائچ، ايڊووڪيٽ حسيب جمالي، ڪي بي لغاري ۽ ٻيا شھدادڪوٽ ۾ مير ممتاز مگسي جي رهائش گاهه تي پهتا.
ان موقعي تي ميڊيا سان ڳالهائيندي عامر نواز وڙائچ جو چوڻ هو ته 27هين آئيني ترميم کانپوءِ آئين ۽ عدليا جو جنازو نڪري چڪو آهي.
سندس چوڻ هو ته سينئر ججن مٿان جونيئر ججن کي مقرر ڪيو پيو وڃي.
عامر نواز وڙائچ جو چوڻ هو ته اهڙن فيصلن بعد ري ايڪشن خطرناڪ ايندو جنهن کي ڪنٽرول ڪرڻ حڪومت جي وس ۾ نه هوندو.
عامر نواز وڙائچ جو چوڻ هو ته26 هين ۽ 27هين آئيني ترميم کي نٿا مڃن، ان کي سنڌ مٿان وار سمجهن ٿا.
سندس چوڻ هو ته سپريم ڪورٽ جي فل بيج جوڙي وڃي، استعيفيٰ ڏيندڙ ججن جون استعيفائون واپس ورتيون وڃن.
وڪيل ڪي بي لغاري جو چوڻ هو ته ننڍين قومن کي ختم ڪرڻ جي سازش ڪئي پئي وڃي.
- Advertisement -
