27هين ترميم وفاق لاءِ خطرو آهي، آئين ۾ ترميم ايوان جو حق آهي پر موجوده ماڻهن جو مينڊيٽ جعلي آهي، ملڪ ۾ پراڏو آهي ته وفاق صوبن تي حملو پيو ڪري: بئريسٽر گوهر

پي ٽي آءِ چيئرمين بئريسٽر گوهر چيو آهي ته 27هين ترميم وفاق لاءِ خطرو آهي، آئين ۾ ترميم ايوان جو حق آهي پر موجوده ماڻهن جو مينڊيٽ جعلي آهي، ملڪ ۾ پراڏو آهي ته وفاق صوبن تي حملو پيو ڪري، ڪجهه ماڻهن کي وڌيڪ اختيار ڏنا ويا ته وفاق خطري ۾ اچي ويندو. قومي اسيمبليءَ جي اجلاس کي خطاب ڪندي بئريسٽر گوهر چيو ته سموري ملڪ ۾ هلچل آهي ته وفاق صوبن تي حملا ڪري رهيو آهي، موجوده حڪومت 16 سيٽن سان حڪومت سنڀالي هئي. هن چيو ته آئين ۾ ترميم سنجيده معاملو آهي، ڀارت جي آئين ۾ هيل تائين 106 ترميمون ٿيون آهن، قوم جي ضرورت موجب ترميم ٿيندي آهي، ارڙهين ترميم گڏيل طور منظور ٿي، جنهن تي ماڻهن خوشيون ملهايون، 26هين ترميم جي چئن شقن تي کين سخت اعتراض آهي. بئريسٽر گوهر چيو ته 27هين آئيني ترميم وفاق لاءِ خطرو آهي، صوبا 11هين اين ايف سي ايوارڊ جو انتظار ڪري رهيا آهن. پي ٽي آءِ چيئرمين چيو ته ملڪ ۾ پراڏو آهي ته وفاق صوبن تي حملو پيو ڪري، ڪجهه ماڻهن کي وڌيڪ اختيار ڏنا ويا ته وفاق خطري ۾ اچي ويندو……