27هين آئيني ترميم تي اتفاق راءِ حاصل ڪرڻ لاءِ حڪومتي اتحاد جو اهم اجلاس

ستاويهين آئيني ترميم تي اتفاق راءِ لاءِ وزيراعظم شهباز شريف، پيپلزپارٽي جي اهم اڳواڻن سان ملاقات ڪئي آهي. پ پ جي اهم اڳواڻن سي اي سي اجلاس کان پهريان وزيراعظم سان خصوصي ملاقات ڪئي. وزيراعظم آئيني ترميم جي حوالي سان لاڳاپيل شقن تي اتفاق راءِ لاءِ پ پ اڳواڻن سان صلاح مشورو ڪيو. ذريعن جو چوڻ آهي ته پ پ اڳواڻ اسلام آباد کان 11 وڳي ڪراچي ويندڙ اڏام ۾ نه ويا، شهباز شريف ملاقات کانپوءِ پيپلزپارٽي اڳواڻن سي اي سي اجلاس ۾ شرڪت لاءِ ايئرپورٽ روانا ٿيا. ذريعن جو چوڻ آهي ته پيپلزپارٽي جي اڳواڻن ۾ فاروق ايڇ نائڪ، مرتضيٰ وهاب، عرفان قادر، راجا پرويز اشرف، نويد قمر ۽ شيري رحمان شامل هئا. ذريعن موجب، وزيراعظم سان گڏ حڪومتي وفد ۾ اسحاق ڊار، اعظم نذير تارڙ، احسن اقبال، عطا تارڙ، راڻا ثناءُ الله ۽ اٽارني جنرل منصور عثمان اعواڻ شامل هئا.