3 ملڪن کي ڳنڍيندڙ هڪ منفرد پل

هونئن ته اوهان اڪثر پل هڪ کان ٻئي شهر يا ملڪ کي ملائڻ لاءِ تعمير ڪيا ويندا آهن. پر ڇا اوهان اهڙي منفرد پل کان واقف آهيو جيڪو هڪ ئي وقت ٽن ملڪن کي پاڻ ۾ ڳنڍيندو هجي؟ ٿري ڪنٽريز نالي پل ٽن يورپي ملڪن کي پاڻ ۾ ڳنڍيندو آهي جنهن سان سياح هڪ ڏينهن ۾ 3 ملڪن جو سير ڪري سگهن ٿا. هي دنيا جو سڀ کان ڊگهو سنگل سسپينشن پل آهي جيڪو رائن درياهه مٿان تعمير ڪيو ويو آهي. 90 لک يورو جي لاڳت سان تعمير ٿيندڙ پل سوئٽزرلينڊ، جرمني ۽ فرانس کي پاڻ ۾ ملائيندو آهي. سوئس شهر باسل کان اوهان هن پل ذريعي فرانس جي علائقي Huningue ۽ جرمن خطي weilam Rhein ۾ وڃي سگهو ٿا. درياهه مٿان پل جي حصي ۾ ڪو مڪزي ٿنڀو موجود نه آهي ۽ ان لاءِ اهو جديد انجنيئرنگ جو شاهڪار سمجهيو ويندو آهي. اهو برج پيادل هلندڙ ۽ سائيڪل تي سفر ڪندڙ ئي استعمال ڪري سگهن ٿا. اهو پل 248 ميٽرن تائين پکڙيل آهي جنهن جي تعمير 2007ع ۾ مڪمل ٿي هئي. ان جي تعمير تي 1012 ٽن اسٽيل، 1789 ڪيوبڪ ميٽر ڪنڪريٽ ۽ 805 ميٽر تارون استعمال ٿيون هيون. ان پل تان درياهه جو نظارو تمام خوبصورت آهي ۽ سياح ان کي ڏسي دنگ رهجي ويندا آهن…..