پاڪستان ڪرڪيٽ اسڪواڊ لاهور کان آسٽريليا لاءِ روانو ٿي ويو

پاڪستان ڪرڪيٽ اسڪواڊ لاهور کان آسٽريليا لاءِ روانو ٿي ويو، اسڪواڊ دبئي رستي سڊني وينديو، پاڪستان ۽ آسٽريليا وچ ۾ پهرين ٽيسٽ 14 ڊسمبر کان شروع ٿيندي. پاڪستان ڪرڪيٽ ٽيم جي قيادت 30 ٽيسٽ کيڏندڙ شان مسعود ڪري رهيو آهي، جنهن کي پهريون ڀيرو ڪپتاني جون ذميواريون ڏنيون ويون آهن. ٽيم ۾ شامل ٻين رانديگرن ۾ سرفراز احمد، بابر اعظم، محمد رضوان، حسن علي، شاهين آفريدي، امام الحق شامل آهن. پاڪستاني ٽيم آسٽريليا ۾ ٽيسٽ سيريز کان اڳ 6 ڊسمبر کان پرائم منسٽر اليون خلاف کيڏندي. قومي ٽيم جو آسٽريليا خلاف پهرين ٽيسٽ 14 ڊسمبر کان پرٿ ۾ شروع ٿيندي، ٻي ٽيسٽ ميلبورن ۾ 26 ڊسمبر کان کيڏي ويندي جڏهن ته ٽين ٽيسٽ ٽي جنوري 2024 کان سڊني ۾ شروع ٿيندي.