ناڻي واري وزارت عام چونڊن لاءِ اليڪشن ڪميشن کي وڌيڪ فنڊ جاري ڪري ڇڏيا

ناڻي واري وزارت عام چونڊن لاءِ اليڪشن ڪميشن کي وڌيڪ فنڊ جاري ڪري ڇڏيا آهن. ناڻي واري وزارت طرفان جاري ڪيل پڌرائي ۾ چيو ويو ته اليڪشن ڪميشن کي 17 ارب 40 ڪروڙ رپيا جاري ڪيا ويا آهن. پڌرائي ۾ ٻڌايو ويو ته ناڻي واري وزارت ان کان اڳ 10 ارب رپيا جاري ڪيا هئا ۽ هاڻي مجموعي وطر 27 ارب 40 ڪروڙ رپيا جاري ٿي چڪا آهن. بجيٽ ۾ اليڪشن ڪميشن لاءِ 42 ارب رپيا رکيا ويا هئا، اليڪشن ڪميشن فنڊ جاري نه ٿيڻ تي سومر ڏينهن ناڻي واري سيڪريٽري کي طلب ڪيو  هو.