ڪنڌڪوٽ ڀرسان ڌاڙيلن سان مقابلي ۾ شهيد ٿيل پوليس اهلڪار جو مڙهه سرڪاري اعزاز سان مٽي ماءُ حوالي

ڪنڌڪوٽ ڀرسان ڌاڙيلن سان مقابلي ۾ شهيد ٿيل پوليس اهلڪار جو مڙهه سرڪاري اعزاز سان مٽي ماءُ حوالي ڪيو ويو. ايس ايس پي آفيس  ڪنڌڪوٽ ۽ لاڙڪاڻي جي پوليس لائن ۾ شهيد اهلڪار خالد حسين ابڙي جي ڌار ڌار جنازي نماز ادا ڪئي وئي. جنازي نماز ۾ ڊي آءِ جي لاڙڪاڻو ناصر آفتاب، ايس ايس پي لاڙڪاڻو عبدالرحيم شيرازي،  ايس ايس پي ڪشمور-ڪنڌڪوٽ روحل کوسو، ڊي سي ڪشمور –ڪنڌڪوٽ امير افضل اويسي، رينجرز جي ونگ ڪمانڊر جميل احمد، وارثن  ۽ ٻين شرڪت ڪئي. جنازي نماز ادا ڪرڻ بعد شهيد اهلڪار جو مڙهه اباڻي ڳوٺ عثمان خصن جماراڻي جي قبرستان ۾  سرڪاري اعزاز سان مٽي ماءُ حوالي ڪيو ويو. ڊي آءِ جي لاڙڪاڻي ميڊيا سان ڳالهائيندي چيو ته شھيد جوان جي قاتلن کي ڪنهن به صورت ۾ بخش نه ڪيو ويندو. واضح رهي ته بخشاپور ٿاڻي جي حد ۾ هٿياربندن جي فائرنگ ۾ هڪ پوليس شهيد ۽ ٻه رينجرز اهلڪار زخمي ٿي پيا هئا.