دادو جي عدالت ام رباب چانڊيو جي ٽن گهر ڀاتين جي قتل ڪيس جي ٻڌڻي 6 جنوري تائين ملتوي ڪري ڇڏي

دادو جي عدالت ام رباب چانڊيو جي ٽن گهر ڀاتين جي قتل ڪيس جي ٻڌڻي 6 جنوري تائين ملتوي ڪري ڇڏي. ام رباب چانڊيو جي ٽن گهر ڀاتين جي قتل الزام هيٺ آيل سردار احمد خان چانڊيو ۽ برهان چانڊيو عدالت ۾ پيش ٿيا. ماڊل ڪرمنل ٽرائل ڪورٽ جو جج حافظ عطاءُ الله شيخ بدلي ۽ ٻيو جج مقرر نه ٿيڻ سبب ڪيس جي ٻڌڻي نه ٿي سگهي. عدالت ٻاهران ميڊيا سان ڳالهائيندي سردار احمد چانڊئي چيو ته مٿن الزام ڪوڙا آهن، نيٺ ته ڪوڙ جي پڄاڻي ٿيندي. هن چيو ته اڃا ٻن شاهدن جا بيان قلمبند ٿيا آهن، 30 کان 32 شاهدن جا بيان رهيل آهن.