عام چونڊ لاءِ سڄي ملڪ ۾ اميدوارن طرفان جمع ڪرايل نامزدگي ڪاغذن جي ڇنڊڇاڻ شروع

عام چونڊ لاءِ سڄي ملڪ ۾ اميدوارن طرفان جمع ڪرايل نامزدگي ڪاغذن جي ڇنڊڇاڻ شروع ٿي وئي آهي، اليڪشن ڪميشن جو چوڻ آهي ته 30 ڊسمبر تائين نامزدگي ڪاغذن جي ڇنڊ ڇاڻ ڪئي ويندي، نامزدگي ڪاغذ رد يا منظور ٿيڻ خلاف اپيل 3 جنوري تائين داخل ڪرائي سگهبي، 11 جنوري تي نظرثاني ٿيل لسٽ جاري ڪئي ويندي، اميدوار 12 جنوري تائين نامزدگي ڪاغذ واپس وٺي سگهندا، اميدوارن کي چونڊ نشان 13 جنوري تي الاٽ ڪيا ويندا ۽ 8 فيبروري تي عام چونڊون ٿينديون. عام چونڊ لاءِ سڄي ملڪ ۾ اميدوارن کي نامزدگي ڪاغذ جمع ڪرائڻ لاءِ پهريان 3 ڏينهن جنهن بعد ٻن ڏينهن جي واڌ سان پنجن ڏينهن جو وقت ڏنو ويو. اميدوارن طرفان جمع ڪرايل نامزدگي ڪاغذن جي ڇنڊڇاڻ شروع ٿي وئي. اليڪشن ڪميشن جو چوڻ آهي ته 30 ڊسمبر تائين نامزدگي ڪاغذن جي ڇنڊ ڇاڻ ڪئي ويندي، نامزدگي ڪاغذ رد يا منظور ٿيڻ خلاف اپيل 3 جنوري تائين داخل ڪرائي سگهبي. اليڪشن ڪميشن طرفان اپيلن تي فيصلن جي آخري تاريخ 10 جنوري رکي وئي آهي جڏهن ته اميدوارن جي قطعي لسٽ 11 جنوري تي جاري ڪئي ويندي. اليڪشن ڪميشن جو چوڻ آهي ته اميدوار 12 جنوري تائين نامزدگي ڪاغذ واپس وٺي سگهندا جڏهن ته اميدوارن کي چونڊ نشان 13 جنوري تي الاٽ ڪيا ويندا. اليڪشن ڪميشن موجب، 8 فيبروري تي 2024ع تي عام چونڊن لاءِ پولنگ ٿيندي.