پاڪستان ۽ ڀارت وچ ۾ قيدين جي لسٽن جي مٽاسٽا ڪئي وئي

پاڪستان ۽ ڀارت وچ ۾ قيدين جي لسٽن جي مٽاسٽا ڪئي وئي آهي. لسٽن جي مٽاسٽا 2008ع جي قونصلر پهچ واري معاهدي تحت ٿيو آهي. معاهدي تحت ٻنهي ملڪن کي هر سال پهرين جنوري ۽ پهرين جولاءِ تي هڪٻئي جي تحويل ۾ قيدين جي لسٽ هڪٻئي حوالي ڪرڻي هوندي آهي. پاڪستان، ملڪ ۾ قيد 231 ڀارتي قيدين جي لسٽ ڀارتي هاءِ ڪميشن  حوالي ڪئي، پاڪستان ۾ 47 ڀارتي شهري ۽ 184 مهاڻا قيد آهن. ڀارتي حڪومت طرفان ڏنل لسٽ موجب ڀارت جي جيلن ۾ 418 پاڪستاني شهري قيد آهن، جن ۾ 337 شهري ۽ 81 مهاڻا شامل آهن. ڀارتي حڪومت تي زور ڀريو ويو ته  سزا مڪمل ڪندڙ پاڪستاني قيدين ۽ مهاڻن کي آزاد ڪري وطن موڪليو وڃي….