9 مئي حملن  جو مقصد پاڪ فوج ۾ ڏار وجهڻ ۽ حملا سوچيل سمجهيل سازش تحت ڪيا ويا : ڪابينا جاچ ڪميٽي رپورٽ

ڪابينا جي جاچ ڪميٽي جي رپورٽ ۾ انڪشاف ٿيو آهي 9 مئي حملن  جو مقصد پاڪ فوج ۾ ڏار وجهڻ ۽ حملا سوچيل سمجهيل سازش تحت ڪيا ويا. ذريعن موجب جاچ رپورٽ ۾ چيو ويو ته 9 مئي واقعي جا ماسٽر مائنڊ، سازش ڪندڙ ۽ منصوبو جوڙيندڙن ۾ مقامي ۽ پرڏيهي عنصر شامل هئا. ڪابينا ڪميٽي جي جاچ رپورٽ ۾ چيو ويو ته هي رپورٽ پي ٽي آءِ ۽ ان جي اعليٰ قيادت لاءِ پريشاني جو سبب بڻجندي. جاچ رپورٽ موجب اهو طئي هو ته پي ٽي آءِ وارا باني چيئرمين جي گرفتاري تي ڪنهن به رد عمل جو اظهار ڪندا، غلط افواهه پکيڙڻ، جعلي پروپگنڊا ۽ ڪوڙيون خبرون هلائڻ به ان منصوبي جو حصو هو. ڪميٽي 9 مئي واقعن ۾ ملوث ماڻهن خلاف فوجداري، قانوني ۽ انتظاميه نويت جي ڪارروائي لاءِ ڪميشن جوڙڻ جي سفارش ڪري سگهي ٿي…