9 مئي لعنتي پروگرام هو، جن به ڪيو غلط ڪيو: شيخ رشيد

عوامي مسلم ليگ جي سربراهه شيخ رشيد چيو آهي ته 9 مئي لعنتي پروگرام هو، جن به ڪيو غلط ڪيو. راولپنڊي ۾ ميڊيا سان ڳالهائيندي شيخ رشيد چيو ته لال حويلي سندس ذاتي ملڪيت آهي، هتان سندس والدين ۽ ڀائرن جا جنازا کڄا آهن. هن چيو ته سي پي او کي خبر آهي ته 17 سيپٽمبر کان 22 آڪٽوبر تائين هو ڪٿي هو، 30 ڪلو وزن گهٽ ٿي ويو آهي، اڄ ڪاليج وارو ڪوٽ پهريو آهي، دعا ڪريو ته سندس سرجري نه ٿئي. شيخ رشيد چيو ته 5 آڪٽوبر جي ڪيس ۾ گرفتاري گهربل آهي، جڏهن به کيس ڪال ڪئي وئي ته هو پهچي ويندو، سندس ڊرائيور ملازمن کي گرفتار نه ڪيو وڃي. عوامي مسلم ليگ جي سربراهه چيو ته نئون شيخ رشيد ٺاهيو ويو آهي، جيڪڏهن هو گرفتار ٿيو ته جيل مان به اليڪشن وڙهندو