حڪومت، قومي ڪرڪيٽ ٽيم کي ڀارت ۾ ٿيل ڪرڪيٽ ورلڊڪپ کيڏڻ جي اجازت ڏئي ڇڏي

حڪومت، قومي ڪرڪيٽ ٽيم کي ڀارت ۾ رٿيل ڪرڪيٽ ورلڊڪپ کيڏڻ جي اجازت ڏئي ڇڏي آهي.

پرڏيهي ترجمان طرفان جاري ڪيل بيان ۾ چيو ويو ته پاڪستان جو سدائين کان موقف رهيو آهي ته راند ۽ سياست ڌار ڌار هجڻ گهرجن، پاڪ ڀارت  لاڳاپا  عالمي راندين جي راهه ۾ رنڊڪ نه بڻجڻ گهرجن.

بيان ۾ چيو ويو ته پاڪستان کي ڀارت ۾ سڪيورٽي خدشا برقرار آهن، آءِ سي سي ۽ ڀارتي حڪومت کي خدشن بابت آگاهه ڪيو ويندو.

پرڏيهي ترجمان چيو ته اميد آهي ته ڀارت ۾ پاڪستاني ٽيم کي ڀرپور سڪيورٽي فراهم ڪئي ويندي.

قومي ڪرڪيٽ ٽيم جي ورلڊڪپ ۾ شرڪت بابت فيصلو لاءِ وزيراعظم شهبازشريف، پرڏيهي وزير بلاول ڀٽو زرداريءَ جي سربراهيءَ هاءِ پروفائل ڪميٽي جوڙي هئي