ڪرونڊي ڀرسان  ڦر دوران مزاحمت تي هٿياربندن، اڪري چودڳي جي ڪائونسلر کي گوليون هڻي  زخمي ڪري ڇڏيو

ڪرونڊي ڀرسان  ڦر دوران مزاحمت تي هٿياربندن، اڪري چودڳي جي ڪائونسلر کي گوليون هڻي  زخمي ڪري ڇڏيو، واقعي خلاف سانگي برادري جي ماڻهن پاران احتجاجي مظاهرو ڪيو ويو.

سانگي برادري جي ماڻهن مهراڻ هاءِ وي تي هيسباڻي گيٽ وٽ ڌرڻو هڻي روڊ بلاڪ ڪري ڇڏيو.

مظاهرين جو چوڻ هو ته مهراڻ هاءِ وي تي قبرستان وٽ ڏوهارين هٿيارين جي زور تي  يونين ڪائونسل اڪري چودڳي جي ڪائونسلر ذوالفقار سانگي کان موٽر سائيڪل، رقم ۽ موبائل فون ڦر ڪئي، مزاحمت تي کيس گوليون هڻي مرڻينگ ڪري ڇڏيو.

هنن اعليٰ اختيارين کان مطالبو ڪيو ته معاملي جو نوٽيس وٺي جوابدارن کي گرفتار ڪري ڦر ٿيل موٽرسائيڪل ۽ ٻيو سامان واپس ڪرايو وڃي.